.jpg)
Осы аптада біздің жаңа оқу жылымыз дәстүрлі Білім күнінен басталды.
Іс-шараға Haileybury UK-ден құрметті қонақтар, атап айтқанда Haileybury UK басқарма төрағасы Мартин Рэйфилд және Haileybury Almaty және Haileybury Astana қамқоршылары Марк Смит пен Пол Хант келді. Біз британдық әріптестерімізбен берік байланысымызды жоғары бағалаймыз, олардың Haileybury Almaty және Haileybury Astana мектептеріндегі білім күніне келуі — біз үшін үлкен қуаныш.
Білім күні — біз үшін маңызды оқиға, бұл күні біз соңғы 15 жылда қол жеткізген барлық керемет жетістіктерімізді еске аламыз.
Біз ең үлкеніміз – бұл неге маңызды? Бұл оқушыларымызға көптеген академиялық және әлеуметтік мүмкіндіктерді ұсына алатынымызды білдіреді, бұл әлемнің үздік университеттеріне түсу кезінде өте маңызды.
Біз үздігіміз – 15 жылдық даму және үздіксіз жетілдіру оқушыларымыздың А level нәтижелері әлемдік деңгейде тұрғанын білдіреді. Олар Ұлыбританияның үздік мектептерінің басым көпшілігінен жақсырақ, біздің аймақта теңдессіз нәтижелер.
Ең жақсы мектеп деген нені білдіреді? 15 жыл ішінде біз үздік қызметкерлер мен мұғалімдерді қызықтыратын тамаша орта құрдық. Олар Haileybury даму мен өркендеу үшін бар жағдайды жасайтынын біліп келді. Оқушыларына да жан-жақты даму үшін ең жақсы мүмкіндіктерді беруге дайын.
Мектебіміз үшін ең маңызды көрсеткіштердің бірі — оқушыларымыздың жоғары үлгерімі. Биылғы жылы A-Level бағаларының 60%-ы A* немесе A, ал 80%-ы A*, A немесе B болды, бұл біздің мектепті ең жақсы британдық мектептермен қатар қояды. Haileybury Almaty түлектері Гарвард, MIT, Оксфорд, Кембридж, Стэнфорд, Йель, Колумбия, Калифорния технология институты, Империал, UCL, Корнелл және UCLA сияқты беделді университеттерге оқуға түсті. Биылғы жылы түлектерімізге берілген стипендиялардың жалпы сомасы 4,5 миллион доллардан асты, бұл біздің оқушылардың жоғары дайындық сапасы мен еңбекқорлығын көрсетеді.
Haileybury Almaty қазақ тілі мен мәдениетін ілгерілетуге бар күшін салады. Биылғы жылы қазақ тілі бойынша 11 сыныпта өткен емтихан нәтижелері қазақ тілі деңгейінің 20%-ға көтерілгенін көрсетті. Мектеп инфрақұрылымына үнемі көңіл бөліп отырамыз, осы жылы сынып бөлмелерін жөндеп, жаңа жиһаз және жаңа автобустар, соның ішінде электр автобустарын сатып алдық. Бұл мектептің экологиялық қызметін қолдау аясында жасалды.
Мектеп ұсынатын көптеген үйірмелер мен секциялар оқушылардың академиялық және жеке тұлғалық жағынан дамуына көмектеседі. Биыл біз 150-ден астам түрлі үйірмелерді ұсынамыз, ал мектептің жазғы ғылыми лагеріне 100-ден астам оқушы қатысты. Біз осы бағытта әрі қарай жұмыс істейтін боламыз, демалыс күндерге де лагерьлер жасау жоспарлануда.
Оқушыларымыз халықаралық аренада да көзге түсе білді. Биыл 13-сынып оқушысы Мирон Ұлыбританияда өткен халықаралық математика олимпиадасында күміс жүлдегер атанды. Тағы бір оқушымыз Даниал Almaty Physics Battles турнирінде қола жүлдеге қол жеткізді. Физикадан «Hyperluminal» командасы CERN ұйымдастырған халықаралық физика жарысына қатысушылардың үздік 5% қатарына енді. Оған 460 команда қатысты, сондықтан бұл біз үшін өте үлкен жетістік.
Жаңа оқу жылында Haileybury Almaty әлі де өз алдына өршіл мақсаттар қойып, оларға қол жеткізетін болады. Біз түлектерімізді және олардың жетістіктеріндегі мектептің маңызды рөлін мақтан тұтамыз. Haileybury Almaty-да әрбір оқушы әлемнің жетекші университеттеріне түсуге ұмтылады және осы қиын жолда оған барлық қажетті қолдау көрсетілетінін біледі.
Жаңа оқу жылы жақсы мүмкіндіктер мен жетістіктерге толы болсын. Біз оқушыларымызбен және олардың ата-аналарымен бірге жаңа биіктерге жетуге дайынбыз. Haileybury Almaty — әр оқушының әлеуетін ашатын мектеп. Барлығыңызға сәттілік пен үлкен жетістіктер тілейміз!
