Haileybury Almaty оқушысының ерекше академиялық жетістігі
Haileybury Almaty мектебінің үздік оқушыларының бірі Алихан дүние жүзіндегі 30-ға жуық университеттен шақыру алды және олардың әрқайсысында ол тегін оқи алады! Оған Колумбия, Стэнфорд, Солтүстік-Батыс, Вандербилт (бұр жерде ол Cornelius шәкіртақысын алған) сияқты беделді университеттерден шақырулар келіп түсті.
Шынайы қызығушылық және тамаша оқу үлгерімі
Алиханның оқу жолы шынымен шабыттандырады. Ол «Биология» және «Психология» деген екі мамандық бойынша оқуға шешім қабылдады, бұл оның өмірдің күрделілігі мен адамның мінез-құлқын түсінуге деген терең қызығушылығын көрсетеді. Оған оқуды ұсынған университеттердің саны (Johns Hopkins, UC Berkeley, Swarthmore, USC), сондай-ақ олардың мәртебесі оның академиялық қабілеті мен әлеуетінің әлемдік деңгейде мойындалғанын білдіреді.
Қабілеттерін мойындау
Осы танымал оқу орындарына түсу, сондай-ақ олардан қаржылық көмек алу өте қиын процесс, ол үшін үміткер өте жақсы бағаларға ие болу керек, мектеп өміріне белсенді қатысып, мықты мінезді болуы керек. Алихан зияткерлік қабілеттерін ғана емес, сонымен бірге өзінің қоғамдастығына және болашақ оқу саласына деген терең адалдығын көрсете отырып, осы критерийлердің бәрінен асып түсті. Оның жетістіктері Haileybury Almaty оқушыларының табандылық, еңбекқорлық таныта отырып, әрі мектебіміздің қолдауын пайдаланып көп нәрсеге қол жеткізе алатынының мысалы болып табылады.
Оқудағы жетістіктер ғана емес
Алиханның әртүрлі салада оқытатын университеттерге түсуі оның жетістігін одан да ерекше етеді. Оған өзінің бай тарихы мен мәдени мұрасымен танымал Вандербильт және Амхерст университеттері, инновациялары мен көрегендігімен танымал Стэнфорд және Беркли университеттері өз есіктерін ашқалы тұр. Алиханның өзінің ұмтылысы мен жеке өсуіне сәйкес келетін білім беру жолын таңдауға бірегей мүмкіндігі бар.
Болашаққа көзқарас
Қазір Алихан өзінің жоғары білімін бастайтын университетті таңдау үстінде, ал Haileybury Almaty қауымдастығы одан жаңа жетістіктер күтуде. Әр университет оған биология мен психология әлемін терең зерттеуге мүмкіндік береді. Алиханның болашағы жарқын болатыны сөзсіз.
Алихан, жетістігіңіз құтты болсын! Сіз Haileybury Almaty рухының нағыз үлгісі болып табыласыз, сізде мақсатқа ұмтылу, еңбекқорлық және кемелдікке ұмтылу сияқты қасиеттер бар. Сізге тек сәттілік тілейміз!
Үлкен мүмкіндіктерді күту
Үлкен армандардан қорықпайтын және жұмыс істеуге дайын оқушылар үшін Алихан бір шабыт көзі болды. Алиханды тағы да құттықтаймыз! Сізді керемет болашақ күтіп тұр, біз сізге сенеміз!
.jpg)