20-23 ақпан аралығында біздің Initium робототехника командамыз беделді Central Asian FIRST Tech Challenge жарысына қатысып, Орталық Азияның 200-ден астам аймақтық қатысушыларының арасынан іріктелген 64 мықты команданың қатарында бақ сынады.
Төрт күн бойы Initium төрешілер мен қарсыластарын шығармашылық идеяларымен, командалық жұмыспен және инновациялық шешімдерімен таңғалдырды. Олардың ынтасы мен робототехникаға деген құштарлығы бірнеше мәртебелі марапатпен бағаланды:
🏅 “Үздік дизайн” номинациясына ұсынылды – роботтың жоғары деңгейдегі инженерлік шешімі үшін.
🏅 “Үздік пит” номинациясының жеңімпазы – жұмыс аймағын үлгілі ұйымдастыруы және мықты командалық рухы үшін.
🏅 Үздік 20 команда қатарына енді – аймақтың үздік командалары арасындағы лайықты жетістік!
Қыркүйек айынан бастап Initium командасы роботтарын жетілдіруге көптеген сағат арнап, қарқынды дайндықты оқумен, емтихандармен және Robotics CCA-ға қатысумен үйлестірді. Олардың бұл жетістіктері – тынымсыз еңбектің, талпынысының және STEM саласына деген шынайы құштарлықтың нәтижесі.
