![](https://www.haileybury.kz/storage/posts/18243420305fb764da010141.73673572_Nikol.jpg)
Сізге мектеп туралы сол мектепте көп жылдар бойы оқыған оқушылардан басқа кім толығырақ айтып бере алады?
![](/storage/posts/22292888705fb77200305931.44011952_upload.jpg)
1. Неліктен Haileybury Almaty мектебіне баруға шешім қабылдадыңыз?
Мен бірінші рет осы мектепке келген кезімде бар болғаны 10 жаста едім, сол себептен шешімді менің ата-анам кабылдады.
Менің әкем шешімді ұзақ уақыт бойы қабылдай алмадым деп жиі айтады. Алайда ол мектеп ғимаратына кіріп, кең дәліздерден өтіп, биік қабырғалар мен үлкен кеңістікті көре салысымен - менің сол жерде оқуым керек екенін бірден түсінді.
2. Haileybury мектебіне түсу критерийлері қандай?
Мен кішкентай болғандықтан қабылдау процесі есімде нашар сақталды, алайда ағылшын, математика, және логика (IQ-тесті сияқты) пәндерінен тест тапсырғаным әлі күнге дейін есімде.
Содан кейін, мені мектеп директорымен сұхбаттасуға шақырды. Мен ағылшын тілінде мүлдем сөйлемеуші едім, сондықтан мен мектеп директорымен аудармашылар арқылы сөйлестім. Директор менің хоббиім туралы, бос уақытта не істегенді ұнататынымды және қандай пәндерді жақсы көретінімді сұрады.
Ағылшын тілін білмейтін мені осындай мектепке қалай қабылдағаны мен үшін әлі күнге дейін құпия. Олар менің әлеуетімді көргендерін айтты :)
3. Мектеп грант бөле ме? Бөлетін болса, қандай гранттар бар? Грант алу қаншалықты қиын? Грант алу критерийлері қандай?
Ия, мектеп жоғары сынып оқушыларына A-Level бағдарламасы бойынша толық және жартылай гранттар ұсынады.
Дәл қазір 2021-2023 жылдарға арналған гранттарға 2021-2023 іріктеу жүріп жатыр. Қатысу туралы толық ақпаратпен сілтеме бойынша танысуға болады: https://www.haileybury.kz/ru/almaty/news/the-haileybury-almaty-a-level-full-and-partial-scholarship-competition-for-2021-2023
4. Haileybury мектебі ұсынатын оқудың ерекшелігі неде?
Haileybury сыни ойлауға, шығармашылыққа, және жан-жақты дамытуға баса назар аударады. Мектебіміз балаларды өздігінен ойлауға, түрлі хоббиге деген құштарлықты дамытуға және шынымен шабыттандыратын білім алуға итермелейді.
Мен «Haileybury Habits» деп аталатын мектеп әдеттерін әрдайым есте сақтаймын – бұлар мектепке тән әдеттер / құндылықтар жиынтығы, және де мектеп осы әдеттерді әр балада дамытуға барынша ат салысады. Атап айтқанда, мектеп біздің төзімді, шыдамды, тапқыр, батыл, ізденімпаз, ұйымшыл және ойшыл болғанымызды қалайды.
Бізді тәуекелге баруға, сәтсіздіктерден сабақ алуға, болған оқиғаларды проблема ретінде қарамауға және қиындықтарға толы жолда табандылық танытуға, батыл болуға үйретті.
5. Haileybury мен басқа оқу орындарының айырмашылығы неде? Haileybury - бұл шынымен тұтас білім беретін мектеп. Мектепте айтарлықтай академиялық жүктеме болғанына қарамастан, ол жан-жақтылық пен мінездің дамуымен теңестіріледі. Мектеп сан алуан, белсенді және өнегелі, әлемде мағыналы өзгеріс жасағысы келетін көшбасшы болатындай азаматтарды тәрбиелеуге күш салады;. Балаларда «Growth mindset» деген ойлау қабілеті бар - осындай ойлау қабілеті бар адамдар қалаған нәрсені үйреніп алуға болады деп санайды. Бұл «fixed mindset» немесе адамдар өздерінің барлық қасиеттері - ақыл, білік, дағдылары өзгермейді немесе дамыдайды деп санайтын тұрақты ойлаудың қарама - қайшысы. Олар қиындықтар мен өзгерістерден қорқады, және әр сәтсіздікті олардың жетілмегендігінің дәлелі ретінде көреді. Growth mindset бар адамдар сәтсіздіктерді өсу мүмкіндігі ретінде қарастырады. Олар үшін қателіктер маңызды тәжірибе болып табылады, онсыз алға жылжу мүмкін емес. Мектеп қателіктер мен сәтсіздіктерге өте жағымды қарағаны есімде, мен Haileybury-ге дейін оқыған дәстүрлі мектептерде бұл өте сирек кездесетін. Қателіктер сәттіліктің ажырамас бөлігі болды, бізді үнемі комфорт аймағынан шығуға мәжбүр етті - жаңа нәрсені байқап көруге, сынды қабылдай білуге және қиындықтарды жақсы көруге және де тағы басқа.
Сондай-ақ, мектеп балаларды өз бетінше ойлауға, өз пікірін қалыптастыруға және ақпаратты сыни тұрғыдан талдауға үйретуді бірден-бір мақсат ретінде көрді. Өлеңді жаттау сияқты тапсырмалар болмайтын - бұрынғы мектептерде жиі тақпақ жаттатқызатын, мен тақпақ жаттағанды ерекше жек көрдім-немесе фактілердің шексіз тізімін есте сақтайтын едік. Біз қиялымызды, түсіндіруді, проблемаларды шешуді қамтитын тапсырмаларды орындадық. Мен нақты есімде қалған бірнеше тапсырмалар: өзіңізді кейіпкердің орнына қойып, оқиғаның соңын оның көзқарасы бойынша қайта жазыңыз; эволюция теориясы туралы қысқа деректі фильм жасаңыз; өткенге оралып, өткен тарихи сәт туралы газет дайындаңыз. Зертханалық тәжірибелер кезінде де оқушылардан әрқашан осы немесе басқа кезеңнің не үшін жасалатынын, процесті қалай жақсартуға болатындығын және эксперименттің қандай шектеулері бар екендігі туралы сұрайтын. Көшбасшы ретінде дамуға көптеген мүмкіндіктер бар-оқушылар мектеп басшысы, "Хаус" капитаны бола алады, режиссер немесе спорт командасының капитаны бола алады.
6. Haileybury-де әдеттегі оқу күні қалай өтетін?Орта және Жоғары мектепте оқу күні келесідей: мектеп таңғы 8-де басталады, содан кейін сынып сағаты немесе жалпы жиналыс өтеді. Жиналыстарда хабарландырулар мен презентациялар жасалатын, әртүрлі тақырыптарға шабыттандыратын және танымдық дәрістер беретін көрнекті қонақтар шақырылатын. Содан кейін, сағат 15:30-ға дейін сабақ жүретін, таңғы ас (10:50) және түскі ас (13:20). Сабақ аяқталғаннан кейін бірден - түстен кейінгі шай, 16:00-17:00 аралығында сыныптан тыс үйірмелер өтетін. Жоғары мектепте күндіз «еркін» сабақтар да болатын - бұл уақыт мұғалімсіз, өз бетінше сабақ оқуға арналған.
7. Оқу қанша уақыт алатын? Материалды игеру үшін сыныптан тыс жұмыстармен айналысуға тура келді ме? Мен Орта мектепте оқып жүрген кезімде сабақтан тыс көп оқитынмын, өйткені менің ағылшын тілі деңгейім нөлге тең болды және сыныптастарды қуып жету үшін көп сабақ оқуға тура келді.
Жоғары мектепте, әсіресе емтиханға дайындық кезінде, оқуға өте көп уақыт жұмсау керек еді. Оқушыларды жауапкершілікке үйреткендіктен, оқытудың көп бөлігі сабақтан тыс уақытта жүреді - мұғалімдер бақылаушылардан гөрі тәлімгерлер сияқты болатын. Егер жаңылыспасам, бізге емтихан кезінде мектептен тыс 2/3 сағат оқуға кеңес берілетін.
8. Оқу жүктемесінің дәрежесін қалай бағалар едіңіз? Сіздің ойыңызша, мектеп қандай пәндер бойынша жақсы білім береді? Оқу жүктемесі жақсы болатын, ол академиялық жетістікке жету үшін жеткілікті, сонымен қатар сыныптан тыс жұмыстарға жеткілікті уақыт қалатын. Соңғы сыныпта, тіпті емтихандар кезінде де, менде спортпен шұғылдануға, көңіл көтеру үшін оқуға және аптасына бірнеше рет кешкі курстарға қатысуға уақыт болды.
9. Мектептегі сүйікті пәніңіз қандай пән еді? Неліктен? Маған бәрінен бұрын ағылшын әдебиеті қатты ұнайтын, себебі бұл пән мені жайлылық аймағынан шығуға, заттарға қораптан тыс қарауға және шығармашылық танытуға мәжбүр етті. Бізге шығармашылығы мол тапсырмалар берілді, олар шешілмейтін болып көрінді, бірақ сол тапсырмаларды шешкенде біз жетістік пен қанағаттың ерекше сезіміне бөленетінізбіз. Өлең, сценарий, қысқа әңгімелер жазуға бірнеше сағат жұмсағаным есімде. Біз журнал мұқабаларын жасадық, уақыт өте келе фильмдер мен жарнамалар түсірдік, пьесалар қойдық. Жалпы, Haileybury-де оқушылар ешқашан зерікпейді.
10. Мектепке қатысты ең жылы естелігіңіз қандай? Ең жылы естелік менің бітіру жылыма байланысты шығар. Haileybury бірнеше толық университеттік грант бөлетін болып, мені сұхбаттасуға шақырды. Презентациямнан кейін мен көз жасымды әрең ұстай отырып, мектеп басшылығы тобының мені қаншалықты мақтан тұтатынын - мектеп құндылықтарын қаншалықты жақсы бейнелейтінімді және мектеп қоғамдастығының дамуына қаншалықты үлес қосқанымды тыңдадым.
Мектептегі барлық 8 жыл мен үшін зуылдап өтті - басында маған өте қиын болды - күн сайын үй тапсырмаларын көз жасыммен жасайтынмын; мен күн сайын басқа оқушыларды қуып жетуге тырыстым, біртіндеп бағаларым жақсарды; әлсіз оқушы мәртебесінен әлемдегі ең жақсы университеттердің бірінде грант алушы деңгейіне жеттім. Сол сәтте мен барлық күш-жігерімнің соған тұрарлық екенін, өзіммен шынымен мақтана алатынымды түсіндім. Бұл мектептегі ғана емес, менің өмірімдегі ең жылы және маңызды естелік.
11. Мектепке қатысты ең жағымсыз немесе ұятты естелігіңіз қандай? Ең жағымсыз естелік: маған Оксфорд университетінен бас тарту туралы хат келген кез. Мен өз өтінішіме көп күш жұмсадым, күн сайын Оксфордка түсуді армандадым, тіпті мектеп сұхбат өту үшін мені Оксфордқа жіберді. Бұл сол кездегі менің өмірімдегі ең үлкен сәтсіздіктердің бірі болды, мен өзімнің алдымда ғана емес, маған сенетін және мені қолдаған барлық адамдар - отбасымның, достарымның, мұғалімдерімнің алдында қатты ұялдым.
Алайда, мектепте маған бұл сәттілікке жету жолындағы тағы бір сәтсіздік екенін, одан сабақ алып, табандылық таныту керектігін бірден айтты. Маған бұл бас тарту мені жеке тұлға ретінде анықтамайтынын және ешқашан ештеңеге қол жеткізе алмайтын тұлға (сол кезде маған солай көрінді) емес екенімді түсінуге көмектесті. Үзіліс алыңыз, өзіңізге жанашырлық танытыңыз, сабақ алып, сол рухта жалғастырыңыз. Енді 4 жылдан кейін мен бұл бас тартуға өте ризамын. Меніңше, Оксфорд маған шынымен сәйкес келмейді, мен ешқашан өз университетімді (UCL) басқасына алмастырмайтын едім.
12. Мектепте қандай іс-шаралар өтті? Сізде мектеп ұйымдары/клубтары/үйірмелері болды ма? Мектепте өте белсенді өмір болды - тұрақты түрде бастамалар, презентациялар, дәрістер, қойылымдар, жарыстар өтеді. Барлық оқушылар 4 "Хаусқа" бөлінеді (Гарри Поттер фильмі сияқты) және Хаустар арасында үнемі жарыстар өткізіліп тұрады. Жылдың ең маңызды екі оқиғасы-Спорт Күні және музыкалық байқау. Спорт Күні кезінде сабақтың орнына оқушылар ұзындыққа секіру, ядро итеру және найза лақтыру сияқты спорт түрлерінен жарысады. Музыкалық байқауға әр Хаус бірнеше музыкалық нөмір дайындайды және бүкіл мектептің алдында өнер көрсетеді. Сонымен қатар, кез-келген талғам мен түске арналған әр түрлі сыныптан тыс үйірмелер бар: баскетбол, тоқу, шахмат, гимнастика, кино, жазу, пікірсайыс ... Айтпақшы, олар Орта мектепте міндетті болып табылады, біз кем дегенде 3 үйірмені таңдауымыз керек еді. Жеке өзім ғылыми клубтың, көгалдандыру клубының (мүлдем күшті емес, білемін) және мектеп газетінің мүшесі болдым.
13. Сіз Haileybury-дегі әлеуметтік өмірді қалай сипаттайтын едіңіз? Haileybury мектебінің әлеуметтік өмірі оқиғаларға толы. Мектепте оқушылар саны аса көп емес, сондықтан сіз өзіңізді қауымдастықтың бір бөлігі ретінде сезінесіз - бәрі бір-бірін біледі және қолдайды. Мұғалімдер сабақтан тыс уақытта оқушылармен бірге уақыт өткізеді - олар үстел теннисін, футбол ойнайды, жай әңгімелеседі. Мектепте басқаларға көмектесу құпталады, сондықтан еріктілік үшін көптеген мүмкіндіктер жасалған. Мысалы, аптасына бірнеше рет, түскі ас кезінде мен бастауыш сынып балаларына кітап оқыдым. Сондай-ақ, тәлімгерлік бағдарламасы бар, онда жоғары сынып оқушылары бастауыш сынып оқушыларын қолдайды және оларға тәлім береді.
14. Сіз Haileybury-дегі оқушылар қауымдастығын қалай сипаттар едіңіз? Мен мұны алдыңғы сұрақта көп сипаттаған болатынмын. Haileybury оқушылары өте алуан түрлі. Әркімнің өз қызығушылықтары, құмарлықтары және мақсаттары бар, мектеп соларды дамытуға және қол жеткізуге көмектеседі. Сіз үнемі бір-біріңізден жаңа нәрсені үйренесіз және құрдастарыңыздың қаншалықты өзгеше және дарынды болатынына таңданасыз. Әр адамның, әсіресе жоғары сынып оқушыларының табандылығы, шыдамдылығы және амбициялары зор болып келеді.
15. Сіз мектепті қандай нәтижелермен бітірдіңіз? Мектепті бітіргеннен кейін не істедіңіз?Мен мектепті 2016 жылы А* және АА бағаларымен бітірдім және мектеп грантынын көмегімен University College London (UCL) гуманитарлық ғылымдар факультетіне оқуға түстім, оны 2019 жылы өте жақсы деген бағамен (бірінші дәрежелі құрмет) бітірдім. Университетті бітіргеннен бастап осы күнге дейін мен аз қамтылған қоғамдастықтардағы балалардың білімін қолдайтын, бизнес мектептерде әйелдерге білім алуға гранттар және әлемнің жетекші университеттерінен оқушыларға стипендиялар беретін қайырымдылық қорында жұмыс істеп келемін.