Haileybury Almaty мектебінің «Hyperluminal» командасының әлемге әйгілі ядролық зерттеулер орталығы CERN ұйымдастырған физика бойынша беделді халықаралық жарыста үлкен жетістікке жеткені туралы үлкен мақтанышпен хабарлаймыз.
Әлемнің түкпір-түкпірінен қатысқан 460 команданың ішінен біздің команда қатаң іріктеуден өтіп, үздік 5% қатарынан көрінді, бұл - оқушыларымыздың білім сапасы мен еңбекқорлығын дәлелдейтін ерекше жетістік.
“Hyperluminal” командасының жолы – өршіл және тату команданың жолы. Ешқанадй техникалық немесе ғылыми көмек болмағанына және тәжірибесі аз болғанына қарамастан бұл тамаша команда бәсекеге қабілетті ұсыныс жасап, 435-ке жуық басқа командаларының ішінен ерекшеленіп шықты. Бұл жетістік бүкіл Haileybury Almaty қауымы үшін үлкен мақтаныш болып табылады.
Біздің команда Швейцарияға бармаса да, олардың қол жеткізген жетістігі біз үшін баға жетпес. Олар сыйлықтар мен дипломдарға ие болды, бұл олардың еңбегі үшін лайықты марапат.
Барлық команда мүшелерін осы керемет жетістікпен құттықтаймыз! Алдағы уақытта бұдан да биік белестерді бағындырады деп сенеміз, сәттілік тілейміз!