- Haileybury туралы
- Қабылдау
- Wellbeing
- Іс-шаралар
- Жаңалықтар
- Байланыc деректері
- Төлем
«Hearts and Wings» журналының бас редакторы Әния мектеп журналын жасаудағы ең қиын сәттерді бізбен бөлісіп, әр нөмірге материал таңдау ерекшеліктерін талқылады.
Оқушылардың мектеп өміріне белсенді араласуы кез келген мектеп қауымдастығы үшін маңызды және оған қол жеткізудің ең жақсы тәсілдерінің бірі – студенттік журналистика. Газет ашылғанда мектебімізде оқушылар мен оқушылардың өздерінен шығатын жаңалық көзі болған жоқ. Осылайша, оның құрылуына себеп болған басты нәрсе ол - мектептегі болып жатқан іс-шаралар мен жаңалықтарға көбірек адамдарды тарту үшін.
Ұжымның басым бөлігін 12-сынып оқушылары құрайды, сонымен қатар 13-сынып оқушылары да баршылық. Ұжым ішінде өз авторларымыз, әртістеріміз, суретшілер, редакторлар мен дизайнерлеріміз бар. Ұжым құрамы төмендегідей: Ания (Бас редактор/жазушы), Алима (жазушы/редактор), Көркем-Ай (жазушы/редактор), Найра (жазушы/редактор/дизайнер), Бегім-Ана (жазушы), Мерей (Т) (фотограф), Мария (фотограф), Анара (мұқаба дизайны, суретші).
Ең қиыны – барлығын біртұтас, мазмұнын бір-бірімен үйлестіре отырып шығару, сонымен қатар өзекті және аудиториямызды қызықтыратын оқиғаларды таңдау дер едім.
Әрбір басылым үшін біз мектептегі соңғы оқиғаларды, сондай-ақ оқушы өміріне қатысты кез келген оқиғаларды қамтуға тырысамыз. Мысалы, біз Рождество тақырыбына арналған басылымымызда жақында өткен Рождестволық базарды, сондай-ақ қызықты кеңейтілген эссе тақырыбы туралы студентпен сұхбатты қарастырдық.
Бұл тек ХБ оқушылары үшін ғана емес, жақын арада өздері де осы бөлімнің оқушысы атануды асыға күтетін оқушылар үшін де қызықты болуы мүмкін. Сонымен қатар, біз соңғы басылымымызда Рождество тарихы сияқты шығарылым тақырыбына қатысты әңгімелерді қостық.
Біздің негізгі аудиториямыз – оқушылар, өйткені біз мектепішілік газетпіз ғой және біз оларды ғимарат ішінде және оның сыртында болып жатқан оқиғалар туралы хабардар етіп отыруды жөн көреміз, осылайша олар соңғы жаңалықтармен таныс болады.
Бізде газетіміздің негізгі тақырыбына сәйкес келетін және әр шығарылым сайын өзгеріп отыратын мақалалар, мектептегі қызықты нәрселер туралы мәліметтер және жаһандық жаңалықтар бар.
Мен тілші мамандығы туралы әлбетте ойланамын, себебі мәні мен мағынасы бар заттарға, нәрселерге ден қойып қарап, қызығушылық таныту өте қызықты, әрі менің ойымша, еш ізі қалмай жоғалып кететін елеулі тарихи оқиғалар мен түрлі мәселелердің мәнін арттырып, көпшілікке ұсыну өте маңызды.
Біз мектеп өміріне қатысты іс-шаралардың тақырыптарын таңдап, талқылаймыз және кейбір қызықты идеяларды жазып алып, газет дизайнері Анармен бөлісіп отырамыз. Оның шығармашылық қиялында еш шектеу жоқ, сондықтан да журнал мұқабасын қалай және қанша өзгертемін десе де, еш кедергі келтірмейміз. Сонымен қатар біз міндетті түрде мектептің нарықтық саясатына қолдау көрсету үшін арнайы түстерді қолданамыз.
Біздің Наира дизайнеріміз әр шығарылым үшін негізгі макет жасап қойған, ал түстер әр тақырыпқа сәйкес өзгеріп отырады. Парақшаны әрлеуді аяқтаудағы кез келген ұсақ детальдар соның қолымен қойылады.
Біздің ұжымда суретке түсірумен екі адам айналысады: Мария — біздің фотограф, ал Мерей Т. суреттерді өңдеуде көмек береді.
Келесі санда жарияланатын мақала тақырыбы белгілі бола салысымен, олар мектепті аралап, суреттер жинай бастайды. Бұл ретте олар мектептегі барлық нәрсені, іс-шараның процесін, мектеп қабырғаларындағы ілініп тұрған плакаттарды немесе келесі бір іс-шараның декорациялары болсын, бәрін суретке түсіріп, материал дайындайды.
Hearts and Wings журналының электронды көшірмесін Haileybury Astana мектебінің веб-сайтынан таба аласыз. Ал баспа түрі мектептің жоғары сынып бөлімінде болады (кітапханада, ХБ қонақ бөлмесінде, тіркеу бөлімінде).