Haileybury Astana мектебі FOBISIA өнер байқауында жеңіске жетті
Біз сіздермен Haileybury Astana мектебінің 7-сынып оқушысы Глорияның FOBISIA (Азия елдеріндегі Британдық халықаралық мектептер федерациясы) ұйымдастырған беделді халықаралық
2023 жылғы модельдер байқауының жеңімпазы болғаны туралы қуанышты жаңалығымызбен бөлісуге асықпыз.
Глорияның байқауда жеңіске жеткен "Ағаш Мектебі" моделі жасыл технологиялар мен тұрақты дамудың жаһандық мақсаттарын көрсететін керемет туынды болып шықты. Малайзияда өткен байқау өнер, дизайн және технологияның қызықты үйлесімі бола отырып, бүкіл Азия елдері мектептерінің қатысуын қамтамасыз етті.
Байқау оқушыларға өздерінің көркемдік қабілеттерін көрсететін платформаны ұсынып қана қоймай, тұрақты тәжірибелер мен экологиялық бастамаларды үйренуге, сонымен қатар оларды алға ілгерілетуге итермеледі. Біз Глорияны қол жеткізген осындай керемет жетістігімен шын жүректен құттықтаймыз және оның тамаша көрсеткішімен мақтанамыз.
Глория секілді оқушыларды мектептің стратегиялық мақсаты болып табылатын тұрақты дамуға ықпал ететін шығармашылық ізденіс пен өзін-өзі көрсетуге шақыра отырып, мектеп өнер мен дизайн арқылы жаһандық мәселелерді шешудің маңыздылығын атап көрсетеді.
