9-сынып оқушысының көркем жұмысы республикалық "I have a dream" сайысының тізіміне енді
Haileybury Astana мектебінің 9-сынып оқушысы Аиданың көркем жұмысы республикалық арт-дұмыстары "I have a dream" сайысының тізіміне енді.
Аида, 9-сынып оқушысы, өз суреті бойынша қысқаша мәлімет беріп өтті: «Өз жұмысымда мультфильмімнің жасалу кезеңдерін, сонымен қатар өз болашақ командамды, өз мақсатыма қалай қол жеткізгім келетінін көрсеттім. Менің суретімде бейнеленген толқын тек мульфильм суреттерім салғым келетінін ғана көрсетіп қоймайды, ол менің тұтас арманымды, яғни мультфильм арқылы өз әлемімді құрғым келетінін, өзгелермен бөліскім келетінін көрсетеді, сонымен бірге осы салада жетістіктерге жеткім келетіндігінің айғағы.
Шығармашылық сайысқа Қазақстанның барлық аймақтарындағы жас авторлар қатысты. "Ең үздік арт-жұмыс" номинациясы бойынша 3 жеңімпаз анықталды, 25 қатысушы мәреге жетті.